مسابقة أفضل بيت شعر عن مصائب الحسين

أدخل و كتب شعر عن مصا ئب الأمام الحسين و يوم عاشوراء الموافق من التاريخ 10%1%2009 راح نقول الفائز بالمركز الأول والثاني والثالث (أحسن ثلاثة أشعار )




تحياتي
العبقري

انا بكتب بيت وشعر كامل

البيت
إن يتركوه ثلاثأً بلا دفن فإن ........ له قبراً بأحشاء من والاه محفوراً

الشعر

غــــــريب أيــــــودّع العيــــله الغريبه
وزيـــــنب صـاحت ابصوت المصيبه
هــــــاك اخــــذ الطـــفل هاك خـــــل يــــــــنذبـــح ويـــــاك
وزيـــــنب صـاحت ابصوت المصيبه
* * *
هـــايم ابـــــــعالم شعــــوري وانظر ابعين المصيبه
والمـــــشاعر جـــسّدتلي صور عن الطف عجيبه
شفـــــــت أبـــــو السجـــاد واگف يم العيال الغريبه
والحــــــرم مگـــطوعة امـل والدمــــع عـــــالوجنه همل
واشــــلون تـــوديع الحـصل بيـــــــن محـــــبوب وحبـيبه
دمـــع وفـراگ واحزان ونوايب
لن يستـــمع صوت امّ المصايب
تصـــــــيـــح الطـــفل بحماك خــــــــل يـــــــنذبح ويــــــاك
وزينب صاحت ابصوت المصيبه
* * *
هـــالرضيع مــــــن ايد زينب سلمته لايد أبو اليمه
او والده ابصـدر العواطف والحنان لصدره ضمّه
يقبّله ابرگبــــته التــــزهي ويلـــــــثم اجبينه ويشمّه
ودمــــوع أبــــو اليمه تـسح مـــوقف رضيـــــعه متضح
مـــــثل الحــــــــمامه التنذبح ومـــــن رگــــبـته يسيل دمّه
وهــاي امّه الرباب احنت ظلعها
وتخـــــاطب أبـــــو اليمه بدمعها
هـــــذا الطــــــفل يهــــــــواك خـــــــل يــــــــنـــذبح ويـــاك
وزينب صاحب ابصوت المصيبه
* * *
بـــوسط صيـــــــوان النــــــبوّه حـاله تمتاز بحزنها
والـــــــرباب أيــــــــشب گــــــلبها لمّن تشاهد ابنها
گبــــــــل رمـــــيات المصيــبه سهام فگده صوّبنها
معــــوله ومـــاخذها الحزن ابــــلوعتها بـــــاللوعه تحن
تــــفسر الصـــخر لمن تون وصــــار فـــــن النـوح فنها
وزينـــب شــــاهدت امّه الحزينه
يــــم مــــهده تصيـح الطفل وينه
يــــــــبو الــــــسجاد ارجــاك خــــــل يــــــنذبح ويـــــــــاك
وزينب صاحت ابصوت المصيبه
* * *
آنـــــه ام الطــــــفل آنــه وتدري خانتـــــني الليالي
عگـــب عبد الله الرضيع ايصير حال الكدر حالي
تدري اصعب كل مصيبه من تشوف المهد خالي
هـــــاي الربــــاب المـــعولـه تصــــيح ابــــــمدامع هامله
مـــــا چـــــنت ادري بـكربلا يصيـــر شرب الماي غالي
هــــذا المــــاي ملك امّك الزهره
وابنك بالعــــطش ملتهب صدره
اخـــــــذ الـــــطفل لعــــــــداك خــــــل ينــــــذبح ويــــــــاك
وزينب صاحت ابصوت المصيبه
* * *
حسيـــن مـن شاهد الموقف سالت دموعه اعلى خدّه
اخذ عبـــــد الله الــــــــرضيع لآل اميــــه وزاد وجــــده
صـــاح هــــــذا الطـــــفل ذاب وبالعــطش ملتهب چبده
هالطـــفل چـــــــبده ملتهــب لا تــــمنعونه مــــن الشرب
وانچــــــان الــي وياكم ذنب هـــــالطفل يـــــا ذنــب عنده
يــناشد لچــــن يـــا وسفه جوابه
تعـــــنّه حـــــرمله وللطفل صابه
صاحــــــه ارتوي من دماك خــــــل يــــــــنذبح ويـــــــاك
وزينب صاحت ابصوت المصيبه
* * *
حسيــــــن مــــــن نــحر البرائه اخذ دم الطفل بيده
للســـــــمه أرمــــا وصاح بــيا ذنب گطعوا وريده
ما نزل للارض دمّــــــه بهـــــــاذي اسرار البعيده
لـــن سمع صوت من الخيم يحــــــسين دلاّلــــي عـــــلم
عبـــــد الله بالنـــــــبله انفطم والســــــهم طـــــوّگه لجيده
آنـــه ام الحــــــزن فاجده الغالي
اصد اعلى المــهد والمهد خالي
بطفـــــــلـــك گــــلبي وصّاك خـــــل يــــــنذبــح ويــــــــاك
وزينب صاحت ابصوت المصيبه
* * *
رد أبـــــو الــيمه لخـيامه وبيده طفله افغرت روحه
للطفل ضمّه اعــــلى صدره خاف عين امه تلوحه
مادره ابگلب الرباب اعلى السبي انفتحت جروحه
مــــن شــاهدت عبد الله بيد المظلوم
جسمه الشريف امغسّل بفيض دموم
وگبل الفطـــامه ابســـهم ظالم مفطوم
لبــــــو اليــــــمه بــــــالمخيم والطفل سلّمه لــزينب
عگـــــب مــــــا ودّع العيله لگطعت المنحر تأهّب
مثـــل گطعت نحر عبد الله انگطع نحره وتخضّب
وحسيــــــن لمّـــن وگع فوگ الغبره
شاهدنـــــه دم طـــــبره يكــت ابطبره
والخــــــيل داســــت بالحوافر صدره
بالســــــهام وبـــالسيوف انذبحوا حسين ورضيعه



تحياتي
العبقري

تابعــ

القصيده الثانيه
يا شبيه المصطفى

عـلي الأكبر طاح ما بين الخيول
والگطع نحره گطع نحر الرسول
بـــــالنــــبي يــــــــــــنوصف عنّــــــه مــــــــا يـــخــــــتلف
والگطع نحره گطع نحر الرسول
* * *
بكــــــربلا مــــــوقف الأكبـــر ظهرت الاسرار منّه
يشــــــبه المــــــختار جدّه وأبـــــد مــا يختلف عنّه
كـل صفات النبي الهادي انجمعت بملفظه وحسنه
يـــحمل صـــــــفات الساميه واضــع نــــــهج للتـــضحيه
بــــساحة الحــــــرب الداميه بــــــالنصر مــــا خاب ضنّه
بـزوده الاكبر بالحرب لمن يجول
عســـكر ابن زياد ينصاب بذهول
مـــــن دخـــــل حـــــــومتــــه اتــــــوضحت غــــــايـــــــته
والگطع نحره گطع نحر الرسول
* * *
أروع اوصـــــاف المـــــجاهد قـــدّم بساحة جهاده
وضـــــع للاجيال منـــــهج مــن صموده واعتقاده
مــــغرم بـــحب العـــــقيده وللــــحرب يظهر وداده
مـــن اصــــل حيدر هالفرع حـــــافظ على حدود الشرع
بـــــــدم الــــــوريد المنگطـع سجـــــل حـــروف الشهاده
للشــــــهاده من الازل رايد ينول
هــــالموارد خـافيه وتطلب حلول
مــــــن وگــــــع عالــــــــثره وجــــثــــــــته مــــــــــــوذره
والگطع نحره گطع نحر الرسول
* * *
الاكبـــــر بــــــساحة جهاده ضحّه من اجل العقيده
وبـــــِسْم أبــــو السجاد صوته ارتفع ويردّد نشيده
وانحسم موقـــــفه الــدامي وبالابه ضامن رصيده
شـــــاب ودخــــل للمـــعركه وصــــوت الشـهاده يباركه
لـــــدرب العـــــقيده ســـالكه وضـــــامنه بگطعت وريده
حارت الافكار عن وصفه شتگول
والشـــرح عن سيرة الاكبر يطول
للشـــــــــرح نخـــــــــتـــصر بــــــــالدمـــه مـــــــنـــــتصر
والگـطع نحره گطع نحر الرسول
* * *
روّع صـــــفوف آل امـــيه بصارمه وساعد يقينه
اومـــــه عــالموت بـــيساره وشار عالجنه بيمينه
استــــــشهد لأجــل العقيده وضحّه دمّه لأجل دينه
لمـــــن صـــعد فـوگ المهر للعـــطش يـــــــطويه بصبر
ضــــامي ورجع لبن الطهر يــصيح ويــــن حسين وينه
يصيـــح چبدي ملتهب يبن البتول
وادري بيني وبينك العسكر يحول
صــــــــــبّـــــــــره والــــــــده واتّــــــجــــــه لــــلــــــــعـــده
والگطع نحره گطع نحر الرسول
* * *
والــــــده نــــــاداه يبـــني ابذل اعلى الموت جهدك
چـــــاس من مـــــنبع الكوثر بالحشر يرويك جدك
ساعه وتـنول الشهاده، خل يصيب العطش چبدك
ارشــــد لـــــجدنه المـصطفه يســـــگيك چــــاسات الوفه
ادري العـــــــهد مــــا تخـلفه بـــــالدمه تـــــوفيلي عهدك
دمـع أبو السجاد عالاكبر هطول
يعــــــلم بنور الولد بالطف يزول
للحـــــــــرب مــــــن نــــــزل بـــــــالســـــيوف انچــــــــتل
والگطع نحره گطع نحر الرسول
* * *
طــاح الاكبر بالمعاره وداست الخيل اعلى جسمه
عـــــالبعد مـــــــن المــــــخيّم يــنظر عليه أبو اليمه
حســـــين لمّـن شاف الاكبر عالثره مخضّب بدمه
عــــــالوالد المـوقف صـعب مـــن شاف الاكبر عالترب
والجـــسم بـــــالدم منخضب حــــــنه ظـــلوع الحزن يمّه
دموعه صبها اعلى الولد مثل السيول
وفـــوگ الاكبر شابچه رماح ونصول
طـــــايـــــــح ابــــــمصرعــه وجـــــــثــــــته مگـــــــــطعه
والگــــــطع نـحره گطع نحر الرسول
* * *
حسيــــن مــــن شـاهده لابنه من دمه الهامه تعفّر
صــــاح يـــــا هـــاشم اسرعوا وبدليله النار تسعر
ساعدوني اعلى المصيبه وشيلوا جثة علي الاكبر
وامّــــه اطـــــلعت من الخـيم مــــرعوبــــه وتــنادي بألم
دلاّلــــــي بــــــاللوعه عـــِلَم ومثـــــل جــــسم ابني توذّر
تــنادي حالك يا شهم اصبح مهول
ابطيحتك يا فرع مفجوعه الأصول
الــــــوالــــــده حـــــــايــــــره والــــــولد عــــــــالـــــــــثره
والگـطع نحره گطع نحر الرسول
* * *
لــــيله صـــــاحت صوت يبني من شفت جسمك رميّه
اهجـــــــس بــــــيـــــوت الــكرامه بكربلا انهدمت عليّه
لليسر أمشـــــــي واعـــــــوفـــــك نــــايم بـــحجر المنيّه
ليـــــــله الغـــــــريبه بكـــــربلا مــــرعوبه
واصـــرخت صرخه ويه الدمع مصحوبه
جثـــــة الاكــــــبر يـــــــــا سبب مخضوبه
والـــگــــــطع نـــــحـــره گطع نحر الرسول بهالمصيبه




تحياتي
العبقري

تابعــ

القصيده الثالثه
طريق الشهادة


ظـعــــن الاحـــــرار بـــــالمجد ســــــار
مـن المدينه لكربلا
يـــــسطع انـــــــوار بــــــالمــجد ســـار
* * *
طـلع من ارض المدينه لكربلا ظعن أبو اليمه
ويـاه انصاره وبنينه واهل بيته فروع عصمه
والظــــعن يـمشي بجلاله وبالمجد عيّن القمه
راي أبـــــو الســـجاد انطـوه بـــــالظعن يــــمشي لنـينوه
وســـــلّمه لعـــــباس الــلـوه قـــــائد ومـــوصوف عزمه
صــــاحب الجــــود مـــــــركز الــــزود
واتـكفّل بنات النبي
مـــــن الـــــديــــــار بــــــالمجد ســــــار
* * *
عــالظعن فـــوگ المــحامل حايمه گلوب الهواشم
ورايـــــة العـــــباس بـــــيها ضربت استار الفواطم
وزيـــــنب ابــهودج النور مطوّگه ابّيض الصوارم
شــــموس الكـــفاله ساطـعه وزيـــــنب ابـــــعفّه مـبرگعه
ليــــــله ويـــــه الأكبر طالعه ورمـــــــله مـــتكفّلها جاسم
وتـــــزهي الـخدور بــــــهودج الـــنور
وحسين ظل اعلى الظعن
شــــــابــــح انـــظار بـــــالمــــــجد سار
* * *
حسين شاهد هالظعينه وياها روح القدس تسري
وســــمع اصــوات الشهاده بجنّة الفردوس تغري
جمع انصاره وبنـــــينه وصـاح الكم أكشف امري
صــــوت أبــــــــو اليمه مرتفع وللخطــــبه هاشــــم تسمـتع
صــاح ادري جسمي ينصرع وتســـحگ الخياله صدري
وگــــــوم الانـــــذال تــــــسبي الـــعــيال
وظعـــن اليتامه باليسر
بيـــــن الاشـــــــرار بــــــالمجـــــد سار
* * *
حسيـــن مــــن تمّم خطبته وبالورع وضّح الفكره
لنّه يسمـــع صـــــوت عالي يمثّل انصاره والعتره
صــــاحوا احــــنه وياك نمضي وحتماً نتمّم الثوره
انـــصاره صـــاحوا يا شهم إمضــــي بمــــسيرك لا تهم
انـــــصارك بـــــحرب وسلم وبــــالدمه لديــــنك نــنصره
احــــــنه مـــــاشين لـــــنصرة الــديـــن
اوجّهـنه للطف بالظعن
نحيــــــي الافـــكـار بــــــالمجــد ســــار
* * *
حســـين مــن شاهد صحبته وياه للتضحية اتعاهد
وشاف اهــــل بــــيت النـــبوه عازمين براي واحد
صـــــاح هـــــذا الــــيوم يـــــوم البيه اظهار العقايد
هـــــاليوم يــــــوم التـضحيه هــــــاليوم نـــــيل الامــــــنيه
نـــــدحر جــــيوش الـطاغيه ونــهدِم عــــروش المفاسد
بـــــالــــوفه نـــسير ونــــدري شيصير
دمــــنه يسجّل هالنصر
بحــــــكم الاقــــــدار بـــــــالمـجد ســـار
* * *
وصــلت ظعون الرساله ودخلت ارض الغاضريه
والگـــــمر نــــصّب خـــــيامه ووگف بحدود الثنيه
صفّـــــت انــــصار أبــو اليمه وگابلت گوم آل اميه
حــــالة الـــــعسكر تـنوصف سبــعين ضــــد سبعين الف
وآل الرســــول بـهالوصـف شـــــــاهره سيـــوف المنيه
بـــــالابـــــه تــروح تـــــفتـــدي الروح
قــائدها سبط المصطفه
بجـــــيش الابـــرار بـــــالمــــجد ســـار
* * *
دخـــلوا بــــوسط المــــعاره وضحّوا الارواح بيها
شــــاف أبو اليمه انصـــــاره بالرمال مچـــــــفنيها
وشـــــاف اهـــل بيت النبوه بفيض دمها مغسليها
واعـــلى النـهر راعي العلم
والــــنار تـــــسعر بـــــالخيم
وانـــصاب أبــو اليمه بسهم
سهــــم المـــثلث بـــگلب حســـين وگلوب الفواطم

.............................

تحياتي لكم
اخوكم العبقري

في اواخر القرن الاول الهجري يقول هناك وقف امام القبر واخذ يرثي الامام الحسين:

مررت على قبر الحسين بكربلا
ففاض عليه من دموع غزيرها
ومازلت ابكيه وارثي لشجوه
ويسعد عيني دمعها وزفيرها
سلام على اهل القبور بكربلا
وقلّ لها مني سلام يزورها
ولا بارح الوفاد زوار قبره
ويفوح عليهم مسكها وعبيرها

يسلمو على القصيدة

أنـا الحـسـين بن عـلي

آلـيـت أن لا أنـثـنـي

أحـمـي عـيـالات أبـي

أمضـي على ديـن النبـي

يسلمو على الشعر

لئـن كانـت الدنيـا تعـد نفيســة

فـدار ثــواب الله أعـلى وأنبــلُ

وإن كانـت الأبـدان للموت أُنشـئت

فقتل امرءٍ بالسـيف في الله أفضـل

وإن كانـت الأرزاق شـيـئاً مقـدراً

فقلّة سـعي المرء في الرزق أجـمل

وإن كانت الأمـوال للتـرك جمعـها

فـما بال متـروك به المـرءُ يبخـلُ

تسلم على المرور